][دورة الفوتوشوب 2 - الدرس الثاني - ][

السلام عليكم

حته نبدي بالدرس الثاني وهو درس دمج صورتين لازم نكون ضبطنه الدرس الاول الي هو مسح الصوره لان راح نحتاجه

**][دورة الفوتوشوب 2 - الدرس الثاني - ][** 1_5

دلوقتى نجي للدرس الثاني الي هو دمج صورتين مثل عدنه ذني الصورتين

**][دورة الفوتوشوب 2 - الدرس الثاني - ][** 10693

**][دورة الفوتوشوب 2 - الدرس الثاني - ][** 6724_5B1_5D

ندمجهم بصوره وحده وهاي النتيجه

**][دورة الفوتوشوب 2 - الدرس الثاني - ][** 1_4

هسه الخطوه الاولى : نمسح الصوره الي نريد ننقله الى الصوره الثانيه بحيث يكون شكل الصوره بعد المسح هذا

**][دورة الفوتوشوب 2 - الدرس الثاني - ][** 014

(اما شلون نمسح الصوره فهذا شرحنا بالدرس الاول تلكا بهذا الرابط)

]https://hdo2mrsa.yoo7.com/montada-f78/topic-t1725.htm

الخطوه الثانيه : من قائمة الادواة
1ـ نروح على هذا الخيار الي مأشره علي بلصوره

2ـ لازم نكون مأشرين على لير الصوره الي دنشتغل عليه
3ـ نروح للصوره الي نريد ندمجه مع صوره اخرى انحط الصورتين قريبين من بعضهم ونضغط على الصوره الي نريد ننقله ونظل ضاغطين وباثناء ذلك نسحبه الى الصوره الثانيه .. وهذا توضيح لكلامي

**][دورة الفوتوشوب 2 - الدرس الثاني - ][** 3003

الخطوه الثالثه : وره مسحبنه الصوره ونقلناها للصوره الثانيه بحيث صاروا صوره وحده ..صارت عدنه هاي النتيجه

أذا اتلاحظ الصوره مبين مفبركه ليش لان اكو تفاوت بحجم البنتين الي بلصوره صوره البنت الي لابسه فستان ازرق اصغر من البنت الثانيه بهاي الحاله يحتاجله تعديلات (أشلون نعدل عليه بحيثتبين الصوره طبيعيه ؟؟)

أنأشر على هذا الخيار من قائمة الادوات

**][دورة الفوتوشوب 2 - الدرس الثاني - ][** 002

ونأشر على لير الصوره الي نريد نعدل عليه من قائمة اليرات (ثالث نافذه من النوافذ الي تظهر على يمين واجهة البرنامج )

**][دورة الفوتوشوب 2 - الدرس الثاني - ][** 1_11

بعدين انروح على الصوره نفسه ونضغط عليه ( كلك ايمن ) راح تطلعلنه نافذه بيه خيارات نختار منه free transform هذا الخيار هو المسؤول عن تكبير وتصغير الصوره وتغير اتجاهاته كذلك

**][دورة الفوتوشوب 2 - الدرس الثاني - ][** Tvd_jvjkst_v

بعد مختارينا حيطلعلنه تحديد حول الصوره بوسط كل ضلع من هذا التحديد مربع صغير . هذا المربع اتخلي المأشر علي بحيث يتغير شكله ونته ضاغط على المؤشر اسحب الصوره باتجاه الاعلى اذا كنت تريد اتكبر الصوره او باتجاه الاسفل اذا كنت تريد تضغره ونفس الطريقه تستخدمه مع المربعات الي على جوانب الصوره اذا كنت اتريد اتقصف او تعرض الصوره ...وهذه الصوره توضح كلامي

**][دورة الفوتوشوب 2 - الدرس الثاني - ][** 1_7

وبعد معدلنه صارت عدنه الصوره بشكله النهائي

لاتنسونا بالدعاء لي ولوالدي

هسه نتعلم اشلون ننسخ الصوره ...مثال

**][دورة الفوتوشوب 2 - الدرس الثاني - ][** 1_14

الطريقه جداً سهله

1ـ نضغط على المؤشر من قائمة الادوات

**][دورة الفوتوشوب 2 - الدرس الثاني - ][** 1_18

2ـ نروح على الصوره الي حنكرره ونضغط عليه بالماوس + Alt ( الي بلكيبورد مال كمبيوترك ) ذني الخيارين نضغط عليهن بوقت واحد (وأثناء الضغط يعني نظل ضاغطين على الماوس وAlt) أُثناء الضغط نسحب الصوره للجهة اليمنى اذا اتريد النتيجه تطلعلك مثل تطبيقي ونته حر تريد تسحب الصوره للمكان الي تريده

العمليه جداً سهله اتمنى يكون الدرس مفهوم الاول والثاني وأذا اي معلومه عصت عليكم برحابة صدر اعيدلكمياها

بس احب انوه لشي :اذا اتلاحظون اني دااشرح الدرس بالتفصيل الممل بحيث الشرح اكثر من الصور لاني ماخذه بنظر الاعتبار ان المتلقي مبتديء جداً والصور وحده مو كافيه لتوصل المعلومه اله فعذروني على الاطاله وعلى الاسهاب بالشرح واتمنى تكونون استفاديتوا وبأنتظار تطبيقاتكم

واو شرح رائع وجميل للغايه تسلم ايك خيو بسام على المجهود الاكثر من رائع

^ _ *

**][دورة الفوتوشوب 2 - الدرس الثاني - ][**

][دورة الفوتوشوب 2 - الدرس الثاني - ][